Social Media Bridge

Projeya bi navê SoMB; “Pira Medyaya Civakî”, beşeke projeya “Pir – Tora Berlinê ya ji bo Mafê Mayînê: Helwestên Nû yên ji bo Entegrasyona Penaberan” e.
Ev tora projeyê, ji aliyê Wezareta Xebat û Karûbarên Civakî ya Federal a Almanyayê û Fona Civakî ya Yekîtiya Ewropayê ya li Almanyayê ve tê fînansekirin; wekî beşeke bernameya federal a bi navê “WIR – Toreyên ku Penaberan di Piyaseya Xebatê ya Herêmî de Entegre Dikin”. Armanca projeya SoMBê, ku projeyeke pîlot e di çarçoveya bernameya WIRê de tê meşandin, ew e ku ji bo penaberên li Almanyayê nêzîkatiyên şêwirmendiyê bi awayê piştgirî û, agahdariya li ser medyaya civakî peyda bike, biceribîne û bicîh bîne. Di nav çarçoveya projeyê de, zimanekî gelek hêsan di hemî mijarên şêwirmendiyê de tê bikar anîn. Proje bi zimanên Almanî, Erebî, Farisî, Ûkraynî, Rûsî, Îngilîzî, Frensî, Kurdî û Tirkî xizmetê dide.

Ekîba projeyê, xebatên xwe li gorî qanûna parastina agahiyên şexsî dikin bi rêya kom û kanalên li ser platformên civakî yên wekî Facebook, Instagram, Youtube û Telegram ku ji aliyê penaberan ve hatine avakirîn. Di vê projeyê de hemû penaber dikarin di derbarê projeyên din ên WIRê û xizmetên piştgiriyê de agahdarî û pêşniyaran bigrin. Di çarçoveya vê projeyê de, pêşiya agahiyên şaş yên li ser medyaya civakî tê girtin û bi taybetî, bi vî awayî piştgiriya komên armanckirî tê kirin ku ji teref WIRê hê nehatine gihîştin.

Herwiha, projeya SoMBê, bi rêya afirandina torên nû, perwerdehî, piştgirî û pirtûkçeyan piştgirî dide pêşveçûna qabiliyetên onlayn yên torên projeya WIRê yên li Almanyayê. Di heman demê de ev proje di asta neteweyî û navneteweyî de hem çalakiyên têkiliyên giştî hem jî afirandina torên nû jî pêk tîne.